அடுத்தடுத்து பக்கங்களை புரட்ட வைக்கிறது : டுஜக் டுஜக் - ராணி குணசீலி

-
தன் குழந்தைகளுடன் உரையாடிய பொழுதுகளை நல்ல ரசனையான படைப்பாக்கித் தந்திருக்கிறார் நூலாசிரியர் தேனி சுந்தர். குழந்தைகளைப் பேச வைக்கிற... பேசுவதை கவனிக்கிற ஒரு அப்பாவின் டைரி இது. குழந்தைகளின் பேச்சு மொழியிலேயே புத்தகத்தின் தலைப்பு.!


புத்தகம் முழுதும் டார்வின், புகழ்மதி இருவரின் கற்பனைகளும் பேச்சுகளும் தான். பேச்சுகளைத் தடை செய்யாத வீடு. வாசிக்கையில் நாம இப்படி எதையெல்லாம் நம் குழந்தைகளிடம் கவனித்தோம், பேச வைத்தோம் என்று சிந்திக்க தோன்றுகிறது.. கூடவே கவனிக்கத் தவறி விட்டோமோ என்ற ஒரு ஏக்கமும் வருது...!


ஒவ்வொரு பக்கமும் வாசித்து முடிக்க.. முடிக்க.. அடுத்து என்ன சொல்லப் போறாய்ங்களோ... அப்பா மாட்னாரா, இல்ல அம்மா சிக்குனாங்களான்னு தெரியலயே என அடுத்தடுத்து ஜாலியாக பக்கங்களை புரட்ட வைக்கிறது.!


மின்னல் வெட்டுவதை
"நிம்மல் இல்லப்பா..
அது கெட்டுப்போன லைட்டு..
இப்ப பாரு
அமந்து அமந்து எரியும்...!"


"அம்மா பூன
ஆபீசுக்கு போய் இருக்குப்பா"


"சீனி வேட்டு மாரி
உப்பு வேட்டு இருக்காப்பா" என கற்பனையில் பின்றாங்க...


டார்வின், அண்ணனாக மாறி பாப்பாவிடம் அலப்பறையைக் கொடுப்பது எல்லாம் செம கெத்து..! வெங்காயம் உரிச்சு , தோலைப் போய் போடுற வேலையை, அப்பா நைசா பாப்பாகிட்ட தள்ளிவிட பாக்க, அங்க பாப்பா பண்ண டுவிஸ்ட் என்ன.. புத்தகத்தை வாசித்தால் தெரியும்.!


பாப்பாவின் கேள்விகளுக்குத் தப்பிக்க வழி தெரியாமல்,
"தூங்கு பாப்பா..
போலீஸ் புடிச்சிட்டு போயிடும் " என்று சொல்லும் பகுதிகளில் "வாயக் குடுத்து மாட்டிக்காத பிகிலு" என்று சொல்லத்தோணுது...


தோழர் என்று அழைப்பது, புத்தகம் விற்று விளையாடுவது என, குழந்தைகள் அப்பாவைக் கவனிப்பதும் அப்பா குழந்தையைக் கவனிப்பதும் நமக்குப் படிப்பினை. அப்பா படிக்கிற புத்தகத்தை படக்குனு புடுங்கி அட்டப்படத்தை பாத்துட்டு "ஆடு புக்கா, சரி படிப்பா _ புத்தியால் அன்றி உணர்வுகளால் சிந்திக்கும் குழந்தை.


"பாருப்பா..
பார்த்துக்கே இருப்பா....
நல்லா சிரிப்பா..." - இது ஒட்டுமொத்தக் குழந்தைகள் விரும்பும் சிறு அங்கீகாரம். அம்மாவும் மகனும் அழுதுக்கிட்டே அப்பாவை ஒரண்ட இழுப்பது, அண்ணன்கிட்ட பாப்பா தூது போறதுன்னு பக்கங்கள் தோறும் இவிங்க செம ஆட்டம் போட்டிருக்காய்ங்க.


"அப்பா சோறாக்கட்டும்
நீ உக்காந்து படிம்மா..!" - கில்லாடி ஜட்ஜ்மெண்ட்.


தாங்கள் உணர்வதையும் சிந்திப்பதையும் சரியாச் சொல்லுவது குழந்தைகளுக்கு அவ்ளோ ஈஸி கிடையாது. அந்தப் பேச்சுக்கு வார்த்தைகள் தேவை. அதைப் புரிந்து கொண்டு பொறுமையாக, மென்மையாக பதிலளிக்கும் ஒரு அப்பாவா தேனி சுந்தர் இருக்காரு. எல்லோரும் வாங்கிப் படிக்க வேண்டிய முக்கியமான புத்தகம்.
---------------------------------------------
டுஜக் ... டுஜக்...
ஒரு அப்பாவின் டைரி
தேனி சுந்தர்- பாரதி புத்தகாலயம்.
விலை _ ₹ 100
---------------------------------------------
ராணி குணசீலி, ஆசிரியை
மதுரை

Comments

Post a Comment

Popular posts from this blog

அறிவை விரிவு செய்..... : உலகப் புத்தக தினம்-ஏப்ரல் 23

-
Image
# உலகப் புத்தக தினம்-ஏப்ரல் 23 : ஏப்ரல் முதல் தேதிக்கு என்ன சிறப்பென்று உங்களுக்கும் தெரியும்.. எனக்கும் தெரியும். முட்டாள்கள் தினம்! மேலே வெள்ளைக் காக்கா பறக்குது..... சட்டையில் பூச்சி ஏறுது.... என்று சொல்லி சிலரை ஏமாற்றி (!) விட்டதாய் நினைத்து சின்னப்புள்ளத் தனமாய் நீங்களும் சிரித்திருக்கக் கூடும். ஆனால் இதே ஏப்ரல் மாதத்தில் தான் உலகப் புத்தக தினமும் வருகிறது. ஆனால் நாம் யாரும் அதைக் கண்டுகொள்வதில்லை. உலகப் புகழ்பெற்ற மாபெரும் கவிஞர் ஷேக்ஸ்பியரின் பிறந்த தினம் ஏப்ரல் 23. இதைத்தான் உலகப் புத்தக தினமாக அறிவித்து புத்தகங்கள் குறித்து மக்களிடையே விழிப்புணர்வை ஏற்படுத்தவும் வாசிப்பை அதிகப்படுத்தவும் மக்களை அறிவாயுதம் ஏந்தச் செய்யவும் பல்வேறு தரப்பினர் பல்வேறு முயற்சிகளை செய்துகொண்டிருந்தாலும் தமிழக அளவில் தமிழ்நாடு அறிவியல் இயக்கமே மாவட்டந்தோறும் நகரங்கள், கிராமங்கள் தோறும் புத்தகங்களைக் கொண்டு செல்லும் பணிகளை அலட்டிக்கொள்ளாமல் அதே நேரத்தில் பெருமிதத்தோடு ஆண்டு முழுக்கவும் செய்து வருகிறது.. புத்தகங்கள் மகத்தானவை.. அற்புதமானவை.. புரட்சிக் கவிஞர் பாரதிதாசன் “ காரிருள் அகத்த...
Read more

மாணவர் மனசு வாசிப்பு அனுபவம் : ஐ.சுமதி, ஆசிரியர்

-
Image
ஆசிரியருடைய மொழி நடை சிறப்பாக பேசப்படும் அளவுக்கு நகைச்சுவை நிறைந்தது. 16 தலைப்புகளில் ஆசிரியரின் அனுபவங்களை இந்நூலில் தொகுத்துள்ளார். பால்வாடி பிள்ளைகளை நேரில் சந்திக்க வேண்டிய சூழ்நிலையில் "குது குதுன்னு காய்ச்சல் அடிச்சு கம்பம் ஆஸ்பத்திரியில் ஊசி போட்டது... பால்வாடி சித்திக், "சார், அப்படியே ஸ்னாக்ஸ் சாப்பிட்டுட்டு.. அப்படியே  விளையாடிட்டு.. சோறு சாப்பிட்டுட்டு... அப்படியே அம்மா வந்துடும்ல.. அப்படியே வீட்டுக்கு போய்டலாம்ல?” என்ற ஒரே கேள்வியை விடாமல் 5 நிமிடம் இடைவெளியில் மீண்டும் மீண்டும் கேட்பதும்,  ஒரு கட்டத்தில், “என்னால் முடியலடா சித்திக்... அப்புறம்  நா அழுதுருவேன்...!” என்று சார் சொல்வதும், “எங்க சார்.... கொஞ்சம் அழுங்க சார் ? எப்படி இருக்கீங்கன்னு பார்ப்போம்? ” என்று ஒன்று மற்றும் இரண்டாம் வகுப்பு மாணவர்கள் கூறுவதும்...  பே....என்று கூறி ஆசிரியரை பயமுறுத்துவதும்.. ஹா ஹா ஹா ஹா என சத்தமா சிரிங்க சார் என்று கெஞ்சுவதும் (கொஞ்சுவதும்) அழகு. புதிய கழிவறை ஜன்னலை உடைத்து,  உள்ளே சென்று மலம் கழித்த மாணவர்களை கண்டுபிடிக்க பெயர் பட்டியல் தயாரிக்கவும்... வீடு வீடா...
Read more

தேனியில் இருந்து வந்த சுந்தரின் மூன்று முத்துகள்..!

-
Image
தேனியில் இருந்து வந்த சுந்தரின் மூன்று முத்துகள்! திட்டமிடாத வகுப்பறைகள்.. மாணவர் மனசு.. உங்க ஜட்ஜ்மெணட் ரொம்பத் தப்பு சார்.. தேனி சுந்தர் இதுவரை படைத்துள்ள நவரத்தினங்களில் மிகவும் முக்கியமான தொகுப்புகள் தற்போது வெளிவந்துள்ள மேலே சொன்ன மூன்று தொகுப்புகள். தேனி சுந்தர் ஒரு ஆசிரியர். ஆசிரியர் என்றால் பண்பாட்டு தளத்தில் செயல்பாட்டாளர் (Teacher is a cultural activist) என்று பாவ்லோ ஃபிராயரே கூறுவர். ஆசிரியருக்கான இந்த வரையறை தேனி சுந்தருக்கு பொருந்தும். கெட்ட வார்த்தையா? கேட்ட வார்த்தையா? குற்றவாளி கூண்டில் நம் அனைவரையும் நிறுத்தும் "திட்டமிடாத வகுப்பறைகள்". இது போன்ற ஏராளமான கேள்விகளை "மாணவர் மனசு" மற்றும் "உங்கள் ஜட்ஜ்மெணட் ரொம்பத் தப்பு சார்" எழுப்புகிறது. தனது வகுப்பறை அனுபவத்தை பகிர்வதன் மூலம் தன்னைத் தானே செழுமைப்படுத்திக் கொள்கிறார் தேனி சுந்தர். இதை படிப்பவர் ஒரு குழந்தையின் மனநிலையை உணர முடியும். உணர வேண்டும். ஒவ்வொரு ஆசிரியரும் இதே போன்ற நாட்குறிப்பு எழுதப் பழகிக் கொண்டால், ஒவ்வொரு வகுப்பறையும் ஒரு பூந்தோட்டம்தான். ஒவ்வொரு மாணவரும் பட்டாம்பூச்சிதான்....
Read more