ஓங்கூட்டு டூணா: வாசிப்பு அனுபவம் : மா.காமுத்துரை

-
கடந்த சில தினங்களுக்கு முன்பு எங்கள் மண்ணின் மூத்த படைப்பாளி, அன்புத் தோழர் தேனி மா. காமுத்துரை அவர்கள் "ஒங்கூட்டு டூணா.." நூலை வாசித்து விட்டு, தேனி பேச்சு வழக்கிலேயே தன் வாசிப்பு அனுபவத்தை அனுப்பி இருந்தார்.. அவருக்கு எனது மனமார்ந்த நன்றிகள்.. அந்தப் பதிவை உங்களோடு பகிர்ந்து கொள்வதில் மிக்க மகிழ்ச்சி அடைகிறேன்..

##############################################################
சுந்தர் கூட டூணா...

ஆமா, என்னிய நோகடிச்ச புத்தகத்த அவுரு பாட்டுக்கு எழுதுனா, பழமா வுடுவாங்க. எம்படிப்புத்தான இன்னிக்கிப்பூராம்.. நான் டூணா.

இவரோட முந்திய நூல்களான டுஜக் டுஜக், சீமையில் இல்லாத புத்தகத்த படிச்சப்ப என்னமோ மாதரியா இருந்திச்சி.. ஆனா அதச் சொல்ல.. ம்ம்.. என்னா சொல்லன்டு வெளங்கல...

ஆமா, என்னமோ இவுரும் இவுரு பிள்ளைகளும் மட்டுந்தே ஊர்ல இருக்க மாதிரியும் வேறு யாருக்கும் பிள்ளைகளே இல்லாத மானிக்கி, ரொம்ப தான் செல்லங் கொஞ்சி எழுதியிருப்பாரு. அன்னிக்கே சுந்தர் கூட மனசுக்குள்ளயே டூணா விட்டுட்டேன்..

ஆனா இந்த "ஓங்கூட்டு டூணா" புஸ்தகம் வாத்யாருக்கும் க்ளாஸ் பிள்ளைகளுக்குமான பேச்சு. உம்மயச் சொல்லணும்னா. பத்மநாபன் ஆரம்ப பள்ளில தரைல ஒக்காந்து ராஜு வாத்யார்ட்ட பாடம் படிச்ச மாரி இருந்துச்சு...

ஆனாலும் இன்னிக்கி படிக்கிற புள்ளீக மாதரி அன்னிக்கி இருக்கமிடியாது தான்..

ப்ளேன்ல போற பிரதமர ஆவுகமாச் சொல்லுதுக...

இங்கிலீஷ் டிவிக்கும் தமிழ் டிவிக்கும் வித்யாசம் கண்டு சொல்லுது...

எம்புட்டுத்தே சிரிச்சாலும் மாசானியம்மன் சாமிய நம்புற புள்ளீக அப்பவே பாத்துருக்கலாம்.

ஆனா வாத்யார தூங்க கூடாது படிப்பு வராதுன்னு சொல்லமுடியுமா..??

திரும்பி உக்காந்து ஒளிகிற அஜீஸ், அபிமன்யூ, ஜீவனேஷ். யோகேஷ், ஹாசினி இவங்களாம் பதிவுகள்ல வந்தாலும் "சார் இன்னம் சோறாக்கலியான்டு கேக்கற யோகாதான் நெஞ்சுக்குள்ளேயே நிக்கிது. சோறு சாப்பிடுறப்ப சத்தியமா சங்கட்டமா இருக்கி...!

ஒண்ணொன்னும் ஒரு சிறுகதை.
சார் அனுமதிச்சால் விரிச்சி எழுதலாம்.
-
மா. காமுத்துரை

Comments

Post a Comment

Popular posts from this blog

அறிவை விரிவு செய்..... : உலகப் புத்தக தினம்-ஏப்ரல் 23

-
Image
# உலகப் புத்தக தினம்-ஏப்ரல் 23 : ஏப்ரல் முதல் தேதிக்கு என்ன சிறப்பென்று உங்களுக்கும் தெரியும்.. எனக்கும் தெரியும். முட்டாள்கள் தினம்! மேலே வெள்ளைக் காக்கா பறக்குது..... சட்டையில் பூச்சி ஏறுது.... என்று சொல்லி சிலரை ஏமாற்றி (!) விட்டதாய் நினைத்து சின்னப்புள்ளத் தனமாய் நீங்களும் சிரித்திருக்கக் கூடும். ஆனால் இதே ஏப்ரல் மாதத்தில் தான் உலகப் புத்தக தினமும் வருகிறது. ஆனால் நாம் யாரும் அதைக் கண்டுகொள்வதில்லை. உலகப் புகழ்பெற்ற மாபெரும் கவிஞர் ஷேக்ஸ்பியரின் பிறந்த தினம் ஏப்ரல் 23. இதைத்தான் உலகப் புத்தக தினமாக அறிவித்து புத்தகங்கள் குறித்து மக்களிடையே விழிப்புணர்வை ஏற்படுத்தவும் வாசிப்பை அதிகப்படுத்தவும் மக்களை அறிவாயுதம் ஏந்தச் செய்யவும் பல்வேறு தரப்பினர் பல்வேறு முயற்சிகளை செய்துகொண்டிருந்தாலும் தமிழக அளவில் தமிழ்நாடு அறிவியல் இயக்கமே மாவட்டந்தோறும் நகரங்கள், கிராமங்கள் தோறும் புத்தகங்களைக் கொண்டு செல்லும் பணிகளை அலட்டிக்கொள்ளாமல் அதே நேரத்தில் பெருமிதத்தோடு ஆண்டு முழுக்கவும் செய்து வருகிறது.. புத்தகங்கள் மகத்தானவை.. அற்புதமானவை.. புரட்சிக் கவிஞர் பாரதிதாசன் “ காரிருள் அகத்த...
Read more

மாணவர் மனசு வாசிப்பு அனுபவம் : ஐ.சுமதி, ஆசிரியர்

-
Image
ஆசிரியருடைய மொழி நடை சிறப்பாக பேசப்படும் அளவுக்கு நகைச்சுவை நிறைந்தது. 16 தலைப்புகளில் ஆசிரியரின் அனுபவங்களை இந்நூலில் தொகுத்துள்ளார். பால்வாடி பிள்ளைகளை நேரில் சந்திக்க வேண்டிய சூழ்நிலையில் "குது குதுன்னு காய்ச்சல் அடிச்சு கம்பம் ஆஸ்பத்திரியில் ஊசி போட்டது... பால்வாடி சித்திக், "சார், அப்படியே ஸ்னாக்ஸ் சாப்பிட்டுட்டு.. அப்படியே  விளையாடிட்டு.. சோறு சாப்பிட்டுட்டு... அப்படியே அம்மா வந்துடும்ல.. அப்படியே வீட்டுக்கு போய்டலாம்ல?” என்ற ஒரே கேள்வியை விடாமல் 5 நிமிடம் இடைவெளியில் மீண்டும் மீண்டும் கேட்பதும்,  ஒரு கட்டத்தில், “என்னால் முடியலடா சித்திக்... அப்புறம்  நா அழுதுருவேன்...!” என்று சார் சொல்வதும், “எங்க சார்.... கொஞ்சம் அழுங்க சார் ? எப்படி இருக்கீங்கன்னு பார்ப்போம்? ” என்று ஒன்று மற்றும் இரண்டாம் வகுப்பு மாணவர்கள் கூறுவதும்...  பே....என்று கூறி ஆசிரியரை பயமுறுத்துவதும்.. ஹா ஹா ஹா ஹா என சத்தமா சிரிங்க சார் என்று கெஞ்சுவதும் (கொஞ்சுவதும்) அழகு. புதிய கழிவறை ஜன்னலை உடைத்து,  உள்ளே சென்று மலம் கழித்த மாணவர்களை கண்டுபிடிக்க பெயர் பட்டியல் தயாரிக்கவும்... வீடு வீடா...
Read more

தேனியில் இருந்து வந்த சுந்தரின் மூன்று முத்துகள்..!

-
Image
தேனியில் இருந்து வந்த சுந்தரின் மூன்று முத்துகள்! திட்டமிடாத வகுப்பறைகள்.. மாணவர் மனசு.. உங்க ஜட்ஜ்மெணட் ரொம்பத் தப்பு சார்.. தேனி சுந்தர் இதுவரை படைத்துள்ள நவரத்தினங்களில் மிகவும் முக்கியமான தொகுப்புகள் தற்போது வெளிவந்துள்ள மேலே சொன்ன மூன்று தொகுப்புகள். தேனி சுந்தர் ஒரு ஆசிரியர். ஆசிரியர் என்றால் பண்பாட்டு தளத்தில் செயல்பாட்டாளர் (Teacher is a cultural activist) என்று பாவ்லோ ஃபிராயரே கூறுவர். ஆசிரியருக்கான இந்த வரையறை தேனி சுந்தருக்கு பொருந்தும். கெட்ட வார்த்தையா? கேட்ட வார்த்தையா? குற்றவாளி கூண்டில் நம் அனைவரையும் நிறுத்தும் "திட்டமிடாத வகுப்பறைகள்". இது போன்ற ஏராளமான கேள்விகளை "மாணவர் மனசு" மற்றும் "உங்கள் ஜட்ஜ்மெணட் ரொம்பத் தப்பு சார்" எழுப்புகிறது. தனது வகுப்பறை அனுபவத்தை பகிர்வதன் மூலம் தன்னைத் தானே செழுமைப்படுத்திக் கொள்கிறார் தேனி சுந்தர். இதை படிப்பவர் ஒரு குழந்தையின் மனநிலையை உணர முடியும். உணர வேண்டும். ஒவ்வொரு ஆசிரியரும் இதே போன்ற நாட்குறிப்பு எழுதப் பழகிக் கொண்டால், ஒவ்வொரு வகுப்பறையும் ஒரு பூந்தோட்டம்தான். ஒவ்வொரு மாணவரும் பட்டாம்பூச்சிதான்....
Read more